Коронавирус хона ҳароратидаги сувда бўлганида 24 соат ичида 90 фоизга, 72 соатда 99,9 фоизга ўз кучини йўқотади.
РИА Новости’га кўра, «Роспотребнадзор» томонидан коронавируснинг сувда яшовчанлигини аниқлаш бўйича тадқиқот ўтказилган. Маълум бўлишича, хлордан холи бўлган сувда ва денгиз сувида вирус кўпаймайди, аммо яшовчанлигини сақлаб қолади. Вируснинг фаоллиги қанча давом этиши сувнинг ҳароратига боғлиқ.
Сувни қайнатиш ундаги вируснинг тўла йўқолишига олиб келади, хлорланган сувда эса вирус яшовчанлигини йўқотади.
Аввалроқ америкалик олимлар вируснинг ультрабинафша нурларига таъсирчанлигини ўрганишган эди. Тадқиқотга кўра, ультрабинафша нурининг 5 мж/см² дозасида коронавируснинг фаоллиги 6 сонияда 99 фоизга қисқариши, 22 мж/см² дозада 25 сонияда унинг тўла йўқолиши аниқланган.
