АҚШда олимлар 22 йил аввал ўлган Пржевальский зотидаги отни клонлаштиришди. Бу ҳақда ҳайвонларнинг генетик маълумотларини сақлаш ва тиклашга ихтисолашган Revive & Restore компанияси маълум қилган.
Фото: reviverestore.org/projects/przewalskis-horse
Курт деб номланган тойчоқ 6 августда Сан-Диегодаги ҳайвонот боғида дунёга келган. У генетик олим Курт Бениршке шарафига шундай аталган.
Revive & Restore компанияси ViaGen билан биргаликда гени 1980 йилда музлатилган от генини тиклаган. Гени музлатилган от Британияда 1975 йилда туғилган. Сўнгра у 1978 йилда АҚШга олиб келинган ва у ерда 1988 йилгача яшаган.
Америкалик биолог Бен Новакнинг таъкидлашича, бу Пржевальский отининг охирги 17 йилда биринчи муваффақиятли клонлаштирилиши ҳисобланади.
