Самарқандда ФВВ ходимлари уйда қамалиб қолган 1 ёшли қизчани қутқаришди

Самарқанд вилоятининг Пайариқ туманида ФВВ ходимлари уйда қулфланиб қолган бир ёшли болани қутқаришди.

Фото: Самарқанд вилоят ФВВ бошқармаси

Самарқанд вилояти фавқулодда вазиятлар бошқармаси маълумотига кўра, Пайариқдаги кўп қаватли уйдаги хонадонлардан бирида бир ёшли қизча қулфланиб қолган. Шундан сўнг, қизчанинг ота-онаси зудлик билан вилоят фавқулодда вазиятлар бошқармасига қўнғироқ қилади.

Ҳодиса жойига етиб борган ходимлар махсус нарвон ёрдамида хонадон деразасидан ичкарига киради ва эшикни очиб, болани ота-онасига соғ-омон топширади.