“Ўзметкомбинат” АЖ: маиший чиқиндиларни қайта ишлаш – озодалик ва даромад манбаи

Ўзбекистон Республикаси Президентининг 2017 йил 21 апрелдаги “2017-2021 йилларда маиший чиқиндилар билан боғлиқ ишларни амалга ошириш тизимини тубдан такомиллаштириш ва ривожлантириш чора-тадбирлари тўғрисида"ги ПҚ 2916-сонли қарорига мувофиқ комбинатда бир қатор ишлар амалга оширилмоқда.

Хусусан, металлургия шлакларини қайта ишлаш, улардан оқилона фойдаланиш тайёр маҳсулот таннархини арзонлашишига олиб келади. Бундан ташқари, шлакларни қайта ишлаш санитар-экологик вазиятни яхшиланишига олиб келади.

Шлак уюмларини қайта ишлаш цехида шлак уюмларидан йилига 1600 тоннадан ортиқ металл парчалари ажратиб олиниб, қайта ишлаш учун комбинатнинг асосий цехлари ва бошқа корхоналарга юборилади.

Бу ишларни амалга оширишда Хитойлик инвесторлар билан самарали ҳамкорлик йўлга қўйилиб, бир қатор компаниялар билан шартномалар имзоланди. Бугунги кунга қадар бу компанияларга 0-500 мм фраксиядаги шлакдан 200 минг тоннага яқини экспорт қилинди.

“Ўзметкомбинат” АЖ янгиликлари билан ижтимоий тармоқларда танишиб боринг!

Telegram | Facebook | Instagram

“Ўзметкомбинат” АЖ Матбуот хизмати