25 сентябрь куни Ўзбекистонда 496 кишида коронавирус аниқланиб, 513 киши тузалгани тасдиқланди. Кунлик касалланиш кўрсаткичи сўнгги ҳафталарда илк марта 500дан кам бўлди.
Расмий статистикада жами ҳолатлар сони 54 мингдан ошди: ҳозиргача 54 462 кишида коронавирус аниқланган. Улардан 50 954 нафари тузалган.
Қурбонлар сони камида 3 нафарга ортиб, ССВ статистикаси бўйича 450 нафарга етди.
Янги ҳолатлар (+496)
Кун давомида республиканинг 7 ҳудудида тана ҳарорати кўтарилгани ҳамда коронавирусга чалинган беморлар билан мулоқотда бўлгани сабабли намуна олинган фуқаролар орасида аниқланган.
- Тошкент шаҳрида 363 ҳолат;
- Тошкент вилоятида 89 ҳолат;
- Самарқанд вилоятида 16 ҳолат;
- Қашқадарё вилоятида 9 ҳолат;
- Андижон вилоятида 9 ҳолат;
- Хоразм вилоятида 6 ҳолат;
- Қорақалпоғистонда 4 ҳолат.
Тузалганлар (+513)
Кун давомида Тошкент шаҳри, Қорақалпоғистон Республикаси, Тошкент, Наманган, Қашқадарё, Сурхондарё, Андижон, Навоий ҳамда Самарқанд вилоятларида жами 513 нафар бемор тузалди ва шу вақтгача коронавирусдан фориғ бўлганлар сони 51 мингга яқинлашди.
- Тошкент шаҳрида 311 нафар;
- Тошкент вилоятида 81 нафар;
- Наманган вилоятида 35 нафар;
- Қашқадарё вилоятида 35 нафар;
- Сурхондарё вилоятида 19 нафар;
- Андижон вилоятида 12 нафар;
- Навоий вилоятида 10 нафар;
- Самарқанд вилоятида 6 нафар;
- Қорақалпоғистонда 4 нафар бемор тузалди.
Соғлиқни сақлаш вазирлиги бугун вафот этгани тасдиқланган уч нафар бемор ҳақида ҳам ҳеч қандай қўшимча маълумот бермади.
Айни пайтда тиббиёт муассасаларида 3 058 нафар бемор даволанмоқда, улардан 718 нафари оғир, 289 нафари эса ўта оғир аҳволда.
