Африкалик енгил атлетикачилар бир кунда иккита жаҳон рекордини янгилашди
Африкалик енгил атлетикачилар мос равишда 12 ва 15 йил давомида сақланиб келган иккита жаҳон рекордини янгилашди. Угандалик Жошуа Чептегеи 10 минг метрга, эфиопиялик Летесенбет Гидеи эса 5 минг метрга югуришда дунёдаги энг тез спортчиларга айланишди.
Спортчилар рекордларни Валенсияда ўтаётган NN World Record Day мусобақасида ўрнатишди.
Чептегеи 10 минг метрни 26 дақиқа 11 сонияда югуриб ўтди. Бу масофада аввалги жаҳон рекорди 15 йил сақланиб келган: ўз вақтида эфиопиялик Кенениса Бекеле ушбу масофани 26 дақиқа 17 сонияда югуриб ўтган.
Летесенбет Гидеи эса 5 минг метрни 14 дақиқа 6 сония 62 миллисонияда югуриб ўтди. У ҳамюрти Тирунеш Дибаба томонидан 12 йил аввал ўрнатилган рекордни янгилади. Дибабанинг натижаси 14 дақиқа 11 сонияни ташкил қилган.
Мавзуга оид
15:20 / 17.09.2024
Япониялик аёл дунёдаги энг кекса одам деб топилди
08:46 / 04.08.2024
Париж-2024. Ўзбекистонлик спортчиларнинг 4 август кунги чиқишлари
11:30 / 06.07.2024
Дунёни ҳайратлантираётган Хитой. Янги автомобил йўли 10 та рекордни янгилади
21:10 / 20.04.2024