Словакияда аҳолини коронавирусга тестдан ўтказиш бошланди

Ҳукумат мамлакатнинг 10 ёшдан катта фуқароларини коронавирусга текширмоқчи. Тест натижаси мусбат чиққанлар 10 кунлик карантинда ўтиришлари керак бўлади.

Фото: Radovan Stoklasa / Reuters

Словакияда бутун аҳолини коронавирусга тестдан ўтказиш бошланди, деб хабар бермоқда Aktuality.

Словаклар антигенга тезкор тестдан ўтказилади ва тест натижаси 15-30 дақиқа ичида маълум қилинади. Бундай тестлар натижаси тез чиқади, аммо ПЗР тестичалик ишончли ҳисобланмайди.

Ҳукумат мамлакатнинг 10 ёшдан катта фуқароларини коронавирусга текширмоқчи. Тест натижаси мусбат чиққанлар 10 кунлик карантинда ўтиришлари керак бўлади. Тест топширишдан бош тортганлар ҳам уйида шунча кун ўтириши лозим, ушбу қоидани бузганларга жарима солинади.

Тест натижаси манфий чиққанлар эса душанбадан бошлаб жорий этиладиган комендантлик соатидан озод этилади.

Аввалроқ мамлакатда аҳолининг ҳаракатланишига чеклов қўйилганди.

Словакия аҳолиси қарийб 5,5 млн кишини ташкил этади.

Тайёрлаган Дилшод Аскаров

#Словакия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.