АҚШда 5 велосипедчи юк машинаси остида ҳалок бўлди

АҚШнинг Лас-Вегас шаҳри яқинида юк машинаси ҳайдовчиси 20 кишидан иборат велосипедчилар гуруҳини уриб юборди. Оқибатда 5 киши ҳалок бўлди. 

Невада штати йўл полицияси маълумотларига кўра, йўл-транспорт ҳодисаси оқибатида 4 эркак ва бир аёл воқеа жойида ҳалок бўлган. Яна 4 велосипедчи турли оғирликдаги жароҳатлар олган. Бир киши оғир аҳволда вертолётда шифохонага етказилган. 

Таъкидланишича, велосипедчилар гуруҳига ҳамроҳлик қилган машина ҳайдовчиси ҳам жароҳат олган. Юк машинаси ҳайдовчисига ҳеч нарса қилмаган.

Йўл-транспорт ҳодисасига нима сабаб бўлгани маълум қилинмаган.