«Малика» савдо мажмуасидаги пичоқбозлик бўйича расмий маълумот берилди

2020 йилнинг 8 декабрь куни соат 13:40да 21 ёшли С.Х. Тошкент шаҳар Шайхонтоҳур тумани Тахтапул маҳалласи Кичик ҳалқа йўли кўчасида жойлашган “Малика” савдо мажмуасининг асосий кириш дарвозаси олдида 27 ёшли Р.М. билан жанжаллашган.

ИИВ ҳузуридаги Тергов департаменти хабарига кўра, С.Х. жанжал давомида қўлидаги совуқ қурол ҳисобланган “пакки” пичоғи билан фуқаро Р.М.нинг бел ва ўнг лунж соҳасига тан жароҳати етказган.

Суд-тиббий экспертиза хулосасига кўра, Р.М.нинг танасида “бел соҳаси чап ярми санчиб кесилган жароҳати. Ўнг лунж соҳаси кесилган жароҳат”лари мавжудлиги, улар оғирлик даражаси бўйича “ўртача оғир” тан жароҳатлари ҳисобланиши кўрсатилган.

Мазкур ҳолат юзасидан Шайхонтоҳур тумани бўйича ИИО ФМБ ҳузуридаги Тергов бўлими томонидан Жиноят кодексининг 277-моддаси 2-қисми “в” банди (безорилик) билан жиноят иши қўзғатилган.

Ҳозирда тергов ҳаракатлари олиб борилмоқда.

Тайёрлаган: Отабек Матназаров

#Шайхонтоҳур тумани #пичоқбозлик #Малика мажмуаси