Бугун, 25 январ кунидан бошлаб «Тошкент-Олот-Тошкент» йўналишида йўловчи поездлари қатнови йўлга қўйилди.
«Ўзбекистон темир йўллари» АЖнинг Kun.uz’га маълум қилишича, қатновлар ҳафтасига 4 маротаба амалга оширилади.
Хусусан, душанба, сешанба, пайшанба ҳамда жума кунлари Тошкент-Олот йўналишида, 26 январдан ҳафтанинг сешанба, чоршанба, жума ва шанба кунлари Олот-Тошкент йўналишида қатновлар бошланади.
Шунингдек, 3-4 февраль кунлари Тошкент-Шовот-Тошкент йўналишида 58/57-сонли поездларнинг қатнови ҳафтасига 3 маротаба йўлга қўйилади.
Жумладан, ҳафтанинг чоршанба, шанба ва якшанба кунлари Тошкент-Шовот йўналишида 58-сонли, пайшанба, якшанба ва душанба кунлари эса Шовот–Тошкент йўналишида 57–сонли поезд йўловчиларга хизмат кўрсата бошлайди.
Қўшимча маълумотларни Тошкент шаҳрида 1005 қисқа телефон рақами, жойлардаги темирйўл кассалари ҳамда маълумотлар бюросидан билиб олиш мумкин.
