Қўшимча функционаллар
-
Тунги кўриниш
Сирдарёда Давлат солиқ бошқармаси бўлим бошлиғи жиноят устида ушланди
Давлат хавфсизлик хизмати ҳамда Бош прокуратура ҳузуридаги Иқтисодий жиноятларга қарши курашиш департаментининг Сирдарё вилояти бошқармалари томонидан ҳамкорликда тадбиркорлик субъектлари ҳуқуқларини ҳимоя қилиш юзасидан тезкор тадбир ўтказилган.
Фото: Getty Images
Департамент хабарига кўра, тадбир давомида Сирдарё вилояти Давлат солиқ бошқармаси бўлими бошлиғи Н.Т. фирибгарлик, яъни алдаш ёки ишончни суиистеъмол қилиш йўли билан “O.” МЧЖнинг 2020 йилдаги қўшилган қиймат солиғи бўйича 230 млн сўм салбий фарқ суммасини жамият ҳисоб рақамига қайтарилишини тезлаштириб бериш эвазига жамият ҳисобчисидан ушбу сумманинг 5 фоизи, яъни 11,5 млн сўм талаб қилиб, 1 000 АҚШ доллари ва 900 минг сўмни олган вақтида ашёвий далиллар билан ушланган.
Мазкур ҳолат юзасидан Н.Т.га нисбатан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ, Аксилмонополия қўмитасининг Сурхондарёдаги бошқармаси масъул ходими пора билан ушланганди.
Мавзуга оид
10:34 / 06.02.2026
Муҳожир ёшлар қопқонга тушмоқда - уларга тузоқ қўйганлар сояда овни давом эттирмоқда
15:09 / 05.02.2026
Фирибгарликда айбланган шахс Интерпол орқали БААдан Ўзбекистонга экстрадиция қилинди
16:46 / 02.02.2026
Банк мансабдори 120 минг доллар кредит чиқариб, қиморга тикиб юборди
21:17 / 23.01.2026