Қозоғистонда содир бўлган авиаҳалокат оқибатида 4 киши ҳалок бўлди

Маҳаллий вақт билан соат 17:25да Нурсултон-Олмаота йўналишида парвоз қилаётган АН-26 ҳарбий самолёти радарлардан ғойиб бўлган ва Олмаота аэропортида ҳалокат қўнишини амалга оширган.

Фото: Tengrinews.kz

Олмаотада содир бўлган авиаҳалокат оқибатида 4 киши ҳалок бўлди, 2 киши жароҳатланди, деб хабар бермоқда Tengrinews.kz.

Хабарда айтилишича, маҳаллий вақт билан соат 17:25да Нурсултон-Олмаота йўналишида парвоз қилаётган АН-26 ҳарбий самолёти радарлардан ғойиб бўлган ва Олмаота аэропортида ҳалокат қўнишини амалга оширган.

Ҳалокат жойида ўт ўчириш, қутқарув ва тез ёрдам хизматлари ходимлари иш олиб бормоқда.

Дастлабки маълумотларга кўра, самолёт Қозоғистон миллий хавфсизлик қўмитасининг чегара хизматига тегишли бўлган.