Мянмада интернет ўчириб қўйилди ва газеталар чоп этилиши тақиқланди

Ҳукумат айрим хусусий газеталарнинг чоп этилишини тўхтатишга буйруқ берган. Давлат оммавий ахборот воситалари ишламаяпти.

Фото: twitter.com/hninyadanazaw

Мянмада ҳарбий тўнтаришдан сўнг давом этаётган оммавий норозилик намойишлари фонида айрим шаҳарларда интернет хизматлари чекланди. Бу ҳақда Reuters хабар бермоқда.

Тачилек янгиликлар агентлиги шиша толали кабелларни узиб ташлаётган ишчилар суратларини чоп этган.

Агентликнинг ёзишича, мамлакат ичидаги ҳолат бўйича хабарларни текшириш борган сари қийинлашмоқда. Ҳукумат айрим хусусий газеталарнинг чоп этилишини тўхтатишга буйруқ берган. Давлат оммавий ахборот воситалари ишламаяпти.

Шунингдек, оммавий намойишлар чоғида ҳалок бўлганлар сони 217 кишига етгани айтилмоқда.

Мянма ҳарбийлари 1 февралда ҳарбий тўнтарув амалга ошириб, мамлакат раҳбариятини ҳибсга олганди. Тўнтарувдан кейин мамлакат бўйлаб норозилик намойишлари бошланганди.

Тайёрлаган Дилшод Аскаров

#Мянма

1 феврал куни Мянмада ҳарбийлар мамлакатнинг амалдаги раҳбари Аунг Сан Суу Кйини ҳибсга олиб, ҳокимият армия бош қўмондони Мин Ауинг Ҳлаингга ўтганини, бир йил давомида фавқулодда ҳолат режими амалда бўлишини эълон қилишди.