Фото: Бош прокуратура ҳузуридаги Департамент
Бош прокуратура ҳузуридаги Департаментнинг Хоразм вилояти Қўшкўпир туман бўлими томонидан ўтказилган терговга қадар текширувда жуда катта миқдордаги талон-торожлик ҳолати аниқланди.
Жумладан, болалар ва ўсмирлар спорт мактабида амалга оширилган жорий таъмирлаш ишлари бўйича ўтказилган назорат ўлчовида «А.G’.» хусусий корхонаси ва мактаб мансабдор шахслари ҳисоб-фактураларга амалда бажарилмаган ишларни қўшиб ёзиш орқали 396,2 млн сўм бюджет маблағларини ўзлаштириш йўли билан талон-торож қилганлиги аниқланган.
Ҳолат юзасидан мансабдор шахсларга нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.
