Тадбиркор Владимир Ким 4,6 млрд доллар бойлик билан 622-ўринда жойлашди.
Етти нафар қозоғистонлик «Forbes» журналининг энг бой одамлар рўйхатидан жой олди, деб ёзади nur.kz.
Қайд этилишича, тадбиркор Владимир Ким 622-ўринда жойлашди. Унинг бойлиги миқдори 4,6 млрд доллар деб баҳоланмоқда.
Тадбиркор Булат Утемуратов рейтингнинг 891-поғонасини эгаллади. Унинг бойлиги 3,4 млрд долларга тенг.
Kaspi.kz ҳаммуассиси Вячеслав Ким 3,3 млрд доллар бойлик билан 925-ўриндан жой олди.
Унинг ҳамкори Михаил Ломтадзе эса 956-поғонани банд этди. Ломтадзенинг бойлиги 3,2 млрд долларни ташкил этади.
Тимур ва Динара Кулибаевалар 1111-ўринда бўлиб, ҳар бирининг бойлиги 2,8 млрд доллардан деб баҳоланган.
Freedom Holding Corp эгаси Тимур Турлов рейтингда 1517-ўринни эгаллади. Унинг бойлиги 2,2 млрд долларга тенг.
Аввалроқ энг кўп миллиардер яшайдиган шаҳар номи маълум қилинганди.
