Компания 2021 йилнинг биринчи чорагида бирорта ҳам қиммат Model S ёки Model X электромобилини ишлаб чиқармади.
Tesla ва SpaceX компаниялари раҳбари Илон Маск Model S Plaid Plus электромобилини ишлаб чиқаришдан воз кечди.
У бу ҳақда ўз Twitter саҳифасида маълум қилди. Маскнинг ёзишича, компания эътиборини Model S Plaid моделини ишлаб чиқаришга қаратади.
"Plaid+ бекор қилинди. Унга зарурат йўқ, чунки Plaid ҳам у каби яхши", - деб ёзди у.
Маскнинг сўзларига кўра, Model S Plaid электромобили энг тезюрар электромобил бўлади.
Унинг маълумот беришича, Plaid икки сония ичида тезлигини соатига 96 километрга етказа олади.
Компания 2021 йилнинг биринчи чорагида бирорта ҳам қиммат Model S ёки Model X электромобилини ишлаб чиқармади.
