Қўшимча функционаллар
-
Тунги кўриниш
Тошкент давлат аграр университети делегацияси Беларусга ташриф буюрди
2017 йил 20 апрелдаги «Олий таълим тизимини янада ривожлантириш чора-тадбирлари тўғрисида»ги президент қарори ижроси юзасидан ТошДАУ ва Беларуснинг Гродно давлат университети ўртасида ҳамкорлик алоқалари ўрнатилган.
Фото: Тошкент давлат аграр университет
Ҳамкорлик доирасида Тошкент давлат аграр университети ректори Б.Сулаймонов ва халқаро ҳамкорлик бўйича проректор А.Абдувосиқов 10-14 июн кунлари Беларус Республикасининг Гродно давлат университетида хизмат сафарида бўлиб қайтди.
Делегатлар 11 июн куни Гродно давлат университети ташкил этилганининг 70 йиллик юбилейида қатнашди.
Икки ОТМ ўртасида 2020 йил имзоланган қўшма таълим дастури доирасида магистратура йўналиши учун шартномалар тузилди.
12 июн куни Гродно давлат университети илмий кенгаши аъзолари, проректорлари билан ташкил этилган учрашувда академик Ботиржон Сулаймонов Гродно давлат университетининг фахрий доктори унвони билан тақдирланди.
Шу куннинг ўзида делегация Асаларичилик илмий маркази фаолияти билан яқиндан танишди. Соҳа бўйича ўзаро ҳамкорлик ва тажриба алмашиш масалалари муҳокама қилинди.
Хизмат сафари давомида ТошДАУ делегатлари Асаларичилик илмий марказида ва Гродно озиқ-овқат фабрикасида ҳам бўлди, фабрикадаги иссиқхоналарда ўсимликларни ҳимоя қилиш бўйича қўлланилаётган илмий тажрибалар билан танишди.
Мавзуга оид
19:29 / 05.02.2019
Кореянинг Конкук университети ва Тошкент давлат аграр университети ўртасида ҳамкорлик алоқалари кенгайтирилади
01:04 / 06.02.2018
Балиқчилик соҳаси ривожлантирилади — ТошДАУда балиқчилик йўналиши бўйича сиртқи бўлим очилади
12:55 / 16.02.2017
Тошкент давлат аграр университетига Global Cold Chain Alliance вице-президенти ташриф буюрди
15:36 / 11.02.2017