Тошкентдаги айрим кўчаларда транспорт ҳаракати вақтинча чекланиши мумкин 

Бугун, 26 июн куни Тошкент шаҳридаги айрим кўчаларда транспорт воситалари ҳаракати вақтинча чекланиши мумкин. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.

Маълум қилинишича, ҳуқуқбузарликларнинг олдини олиш, фавқулодда ҳолатлар юзага келганда тезкорликни ошириш мақсадида, Тошкент шаҳар ИИББ ЙҲХБ ЙПХБ ходимлари ва Миллий гвардия ҳарбий хизматчилари томонидан ўқув машғулотлари ўтказилади.

“Шу муносабат билан бугун, 26 июн куни соат 08:00 дан 10:00 гача пойтахтнинг Темур Малик, Дўрмон йўли, Мирзо Улуғбек, Мустақиллик, Бобур, Афросиёб, Ойбек, Нукус ва Шароф Рашидов кўчаларида транспорт воситалари ҳаракати қисқа муддатга чекланиши мумкин”, дейилади хабарда.