Путин коронавирусга қарши қайси вакцина билан эмланганини айтди

Путиннинг сўзларига кўра, иккинчи эмланишдан сўнг унинг тана ҳарорати кечқурун 37,2 даражага кўтарилган, эрталаб эса меъёрий даражага тушган.

Фото: Пресс-служба президента России

Россия президенти Владимир Путин коронавирусга қарши “Спутник V” вакцинаси билан эмланганини айтди.

“Коронавирусга қарши эмланган вақтимда иккита вакцина бор эди. Иккиси ҳам яхши. Вакцина танлашда шифокорлар билан маслаҳатлашмадим. Танишларим қандй вакцина олишганига эътибор қаратдим ва “Спутник V” вакцинасини қабул қилдим”, деди у.

Путиннинг сўзларига кўра, иккинчи эмланишдан сўнг унинг тана ҳарорати кечқурун 37,2 даражага кўтарилган, эрталаб эса меъёрий даражага тушган. У вакцинанинг ҳеч қандай ножўя таъсирини сезмаганини айтди.

Россия президенти атрофидагилар эмлангандан кейин ҳам коронавирус юқтирганини эътироф этаркан, касалликни енгил ўтказишганини айтди.

Тайёрлаган: Дилшод Аскаров

#вакцина #Владимир Путин