Швециядаги авиаҳалокат 9 кишининг умрига зомин бўлди

Фото: Reuters

Швециянинг Эребру шаҳри аэропорти яқинида кичик ўлчамли самолёт ҳавога кўтарилиши биланоқ ерга қулаган ва ёниб кетган. Бунинг оқибатида самолётдаги 9 киши ҳалок бўлган.

Goteborgs Posten нашрининг хабар беришича, самолёт қулагани ҳақидаги сигнал аэропортга 8 июл кечки пайт келиб тушган. Самолёт аэропортнинг учиш-қўниш йўлагидан тахминан 200 метр нарида қулаган.

DHC-2 Turbo Beaver русумидаги самолёт бортида 8 парашютчи ва учувчи бўлган. Воқеа жойида ўт ўчирувчилар иш олиб борган.

Маҳаллий ОАВнинг хабар беришича, яна 2 киши шифохонага етказилган.

Мамлакат бош вазири Стефан Левен ҳалокат қурбонлари яқинларига ҳамдардлик билдирган.