Ички ишлар вазирининг шахсий таркиб бўйича буйруғи билан лавозим тайинловлари амалга оширилди. Бу ҳақда ИИВ ахборот хизмати хабар бермоқда.
Подполковник Рустам Зуҳриддинович Жалолиддинов Андижон вилояти, Хўжаобод тумани ИИБ бошлиғи лавозимига тайинланди.
Тайинловга қадар Р.Жалолиддинов шу ернинг ўзида ИИБ бошлиғининг биринчи ўринбосари - тезкор-қидирув хизмати бошлиғи лавозимида фаолият юритган.
Майор Фарҳод Аҳадович Вафоев Бухоро вилояти, Қоровулбозор тумани ИИБ бошлиғи вазифасини бажарувчи этиб тайинланди.
Тайинловга қадар Ф.Вафоев Когон тумани ИИБ бошлиғининг биринчи ўринбосари лавозимида фаолият юритган.