Исроилда коронавирус юқтириш ҳолатлари бўйича рекорд кўрсаткич қайд этилди

Мамлакат соғлиқни сақлаш вазирлигининг маълумот беришича, касалликнинг оғир кечиш ҳолатлари сони ҳам ўсган.

Исроилда охирги суткада коронавирус юқтириш ҳолатлари сони 5140 дан ортиқ. Бу феврал ойидан буён қайд этилган рекорд кўрсаткич ҳисобланади, деб ёзади The Times of Israel.

Охирги бор 14 февралда касаллик аниқланиш ҳолатлари 5 мингдан ошган, 24 соат ичида 5190 та ҳолат қайд этилганди.

Мамлакат соғлиқни сақлаш вазирлигининг маълумот беришича, касалликнинг оғир кечиш ҳолатлари сони ҳам ўсган.

“Янги чоралар жорий этиш имкониятини кўриб чиқмоқдамиз. Оммавий тадбирларни тўхтатмоқчимиз”, - деди Исроил соғлиқни сақлаш вазири Ницан Горовиц.

Исроилда шу кунга қадар касаллик юқтирганлар сони 906 мингдан ошган, 6,5 мингга яқин бемор вафот этган. Маълумотларга кўра, мамлакат аҳолисининг 67 фоиздан ортиғи коронавирусга қарши эмланган.

Тайёрлаган: Дилшод Аскаров

#Исроил #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.