Австралия пойтахти Канберрада коронавирусга чалинган 4 киши аниқлангандан кейин бир ҳафталик карантин киритилди.
Фото: AFP
Вирус тарқатувчиси Гангалин округида яшовчи 20 ёшли йигит бўлган. Унинг 8 августда коронавирусга топширган тести мусбат чиққан. Шаҳар бош санитар шифокори Керрин Коулман йигит билан мулоқотда бўлган яна 3 эркакда вирус аниқланганини маълум қилган.
Ҳукуматнинг таъкидлашича, вируснинг янги авж олиши Австралия охирги 12 ой ичида тўқнаш келган энг жиддий вазият бўлиши мумкин. Маълумотларга кўра, Австралияда охирги касалланиш ҳолати 105 кун аввал, Канберрада эса бир йилдан кўпроқ вақт олдин юз берган.
Шу сабабли 12 август куни маҳаллий вақт билан соат 17да Канберрада бир ҳафталик карантин киритишга қарор қилинган.
