2021 йил 13 август куни соат 19:00ларда Тошкент шаҳар, Шайхонтоҳур тумани, Зарқайнар кўчасида йўл-транспорт ҳодисаси юз берди.
ИИВ ЙҲХБ хабарига кўра, ҳайдовчи, 1998 йилда туғилган А.М. бошқарувидаги "Нексия 3" ҳамда ҳайдовчи 1987 йилда туғилган Б.М. бошқарувида бўлган "Матиз" русумли автомобиллар тўқнашган ва зарб оқибатида "Матиз" автомобили ағдарилган.
Натижада, "Матиз" русумли автомобиль ҳайдовчиси Б.М. тан жароҳати билан шифохонага олиб кетилган.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
