Зафар Ҳошимов: «Сиз тадбиркорлар президентисиз!»

Korzinka.uz супермаркетлар тармоғи асосчиси Зафар Ҳошимов Кўксарой қароргоҳида бўлиб ўтаётган тақдирлаш маросимида сўзга чиқди ва «Дўстлик» ордени учун миннатдорлик билдирди.

«Мен бу мукофотни 5 минг кишилик жамоамизга берилган юксак баҳо деб биламан. Бу ерда мен тадбиркорлар вакили сифатида турибман. Яқинда сизнинг тадбиркорлар билан учрашувингиз олдидан мен сўз берилишидан умид қилиб, 18 пунктдан иборат таклифларимни ёзиб олгандим. Лекин сиз 7 банддан иборат нутқингизни ўқий бошлашингиз билан мен таклифларимни ўчира бошладим, охирига бориб қарасам, ҳамма таклифларимни сиз ўйлаб бўлган ва ечимларини кўрсатиб берган экансиз.

Айтиш мумкинки, сиз тадбиркорлар президентисиз!

Менга мукофот берилганида ота-онам жуда хурсанд бўлишди ва марҳум санъаткорларимизга ҳурмат кўрсатилиб, мукофотларга лойиқ кўрилгани учун миннатдорлик сўзларини етказишимни сўрашди», деди тадбиркор ўз чиқишида.