У сўнгги кунларда оғир дард билан курашиб келган ва Тошкентда гематология марказида даволанишда бўлган.
Сирдарё вилояти Боёвут тумани ҳокимининг ўринбосари — маҳалла ва оилани қўллаб-қувватлаш бўлими бошлиғи Саодат Мирзаева 51 ёшида вафот этди. Бу ҳақда туман ҳокимлиги ахборот хизмати хабар берди.
Саодат Мирзаева 1969 йилда Сирдарё вилояти Боёвут туманида туғилган. У меҳнат фаолияти давомида мактабгача таълим, умумий ўрта таълим мактабларида тарбиячи, ўқитувчи, мактаб директорининг маънавий-маърифий ишлар бўйича ўринбосари лавозимларида фаолият юритган.
У 2020 йил 26 июндан буён Боёвут тумани ҳокими ўринбосари лавозимида ишлаб келаётган эди.
