Пойтахтда автобус светофор ва йўл четидаги уйга бориб урилди

Жорий йилнинг 8 октябр куни соат тахминан 07:00ларда Яшнобод тумани, Уйсозлар 1-тор кўчалари кесишган чорраҳада йўл-транспорт ҳодисаси содир бўлди.

Фото: ИИББ ахборот хизмати

Тошкент шаҳар ИИББ хабарига кўра, ҳайдовчи, 1987 йилда туғилган М.Қ. бошқарувидаги «Mersedes Bens» русумли йўловчи ташувчи автобусида ҳаракат давомида бошқарувни йўқотиб, чорраҳадаги светофор ва йўл ёқасидаги уйга бориб урилиб тўхтаган.

Қайд этилишича, тўқнашув натижасида тан жароҳати олганлар йўқ, ушбу автобусда фақат ҳайдовчининг ўзи бўлган.

Маълум қилинишича, ҳолат юзасидан суриштирув ишлари олиб борилмоқда.