Аҳоли сони ҳар куни ўртача 2 минг кишига ошмоқда - Статқўм

Ўзбекистонда аҳоли сони ҳар куни ўртача қарийб 2 минг кишига ошмоқда. Бу ҳақда Давлат статистика қўмитаси хабар берди.

Фото: Kun.uz

Қўмита маълумотларига кўра, 2021 йилнинг 1 октябрь ҳолатига республиканинг доимий аҳолиси сони 35,1 млн. кишини ташкил этмоқда.

Қайд этилишича, йил бошидан буён доимий аҳолининг ўсиш суръати 1,5 фоизга ошган. Мамлакат аҳолиси йил бошидан буён ҳар ойда ўртача 57 811 кишига кўпайган.

Бундан ташқари, 2021 йилнинг ҳар бир кунида доимий аҳоли сони ўртача 1,9 минг кишига ошган. Ўзбекистонда йил бошидан 670,7 минг туғилиш қайд этилган.