Бокс бўйича жаҳон чемпионатига қуръа ташланди. Бугун илк жанглар ўтказилади

24 октябрь кунги қуръада ўзбекистонлик боксчилар бўлажак (эҳтимолий) рақиблари номи ва мусобақадаги дастлабки жанг кунини билиб олишди.

Ўзбекистон жамоаси турнирга 13 вазн тоифасида ташриф буюрган. Боксчиларга Марат Қурбонов, Раҳматжон Рўзиохунов, Равшан Хўжаев, Фаррух Қиличев, Ҳамза Авезов, Истам Кабинов, Баҳодир Эркаев, Илёс Раҳимжонов, Алишер Тўйчиев, Даврон Ғафуров, Абдувоҳид Жалолов каби мураббийлар ҳамроҳлик қилмоқда.

Мусобақанинг дастлабки кунида -67 кг вазн тоифасида ҳаракат қилувчи Асадхўжа Мўйдинхўжаев ўз жангини ўтказади. Унга 1/32 финалда Ирландия вакили Брендан Маккивер рақиб бўлади.

Жанг тахминан Тошкент вақти билан 22:00дан кейин бошланади.

Қуйида қуръа натижалари:

25 октябрь, душанба

-67 кг. Асадхўжа Мўйдинхўжаев — Брендан Маккивер (Ирландия)

26 октябрь, сешанба

-51 кг. Ҳасанбой Дўстматов — Сакен Бибоссинов (Қозоғистон)

-75 кг. Саиджамшид Жаъфаров — Лукас Фернэтса (Словакия)

-80 кг. Одилжон Аслонов — Юсуф Чангалаве (Танзания)

27 октябрь, чоршанба

-86 кг. Шоҳжаҳон Абдуллаев — Виктор Шельстраете (Бельгия)

28 октябрь, пайшанба

-57 кг. Миразизбек Мирзахалилов — Жамал Ҳарви (АҚШ) / Васили Устурои (Бельгия)

+92 кг. Лазизбек Муллажонов — Пурия Амири (Эрон)

29 октябрь, жума

-54 кг. Шаҳобиддин Зоиров — Тамир Галанов (Сербия)

-60 кг. Абдумалик Ҳалоков — Фабио Росели / Жасин Ляма

-71 кг. Шаҳрам Ғиёсов — Фарҳад Муроди (Эрон) / Асланбек Шимбергенов (Қозоғистон)

-92 кг. Мадиёр Саидраҳимов — Владислав Смягликов (Беларусь) / Жошуа Васике (Кения)

30 октябрь, шанба

-63,5 кг. Мужибулло Турсунов — Жанторо Турсунов (Қирғизистон) / Таига Иманага (Япония)

-48 кг. Нодиржон Мирзаҳмедов — Рикки Несбитт (Ирландия)