Айрим давлат хизматларини кўрсатишда тўлов миқдори камайтирилади 

Айрим давлат хизматлари кўрсатишдаги тўлов миқдорлари камайтирилади. Бу ҳақда Адлия вазирлиги хабар бермоқда.

"Давлат хизматлари кўрсатишнинг инфратузилмаси такомиллаштирилгани ва аҳолининг давлат хизматларидан фойдаланиш имкониятлари кенгайтирилганлиги муносабати билан ҳукумат айрим қарорларига ўзгартириш ва қўшимчалар киритиш тўғрисида" ҳукумат қарори қабул қилинди.

Қарор билан бир қатор давлат хизматлари кўрсатишдаги тўлов миқдорлари камайтирилди.

Жумладан, чет тилини билиш даражаси тўғрисида малака сертификатининг дубликати берилгани учун базавий ҳисоблаш миқдорининг 10 фоизи миқдорида тўлов ундирилиши белгиланди (илгари - базавий ҳисоблаш миқдорининг 50 фоизи).

Қарор 2021 йил 1 декабрдан бошлаб кучга киради.