Тошкент шаҳрининг Юнусобод туманида ўлим билан якун топган йўл-транспорт ҳодисаси содир бўлди. Бу ҳақда пойтахт ИИББ хабар қилди.
Фото: ИИББ ахборот хизмати
31 октябр куни соат 18:30ларда Юнусобод туманидаги КҲАЙ кўчаси бўйлаб ҳаракатланиб келаётган “Спарк” русумли автомашина ҳайдовчиси, 26 ёшли Ҳ. Ҳ. пиёдалар йўлагидан ўтаётган 65 ёшли Т.У.ни уриб юборган.
Йўл-транспорт ҳодисаси натижасида Т. У. олган тан жароҳатлари сабабли касалхонага олиб кетилаётган вақтда вафот этган.
Мазкур ҳолат юзасидан Жиноят кодексининг 266-моддаси 2-қисми («Транспорт воситалари ҳаракати ёки улардан фойдаланиш хавфсизлиги қоидаларини бузиш») билан жиноят иши қўзғатилган.
