Ўлимга сабаб бўлган ЙТҲ юзасидан тергов ҳаракатлари бошланди

Поп туманида эшак аравани Nexia уриб кетиши оқибатида бир инсон ҳалок бўлган.

30 октябр куни соат 20:30 ларда, Поп тумани Пилол маҳалласи ҳудудида, Nexia-2 машинасини бошқариб кетаётган ҳайдовчи ҳаракат хавфсизлигини таъминлай олмай, йўл четида эшак аравада кетаётган, 1965 йилда туғилган фуқарони уриб юборган.

Натижада, жабрланувчи олган тан жароҳати оқибатида шифохонада вафот этган.

Ушбу ҳолат бўйича туман ИИБ ҳузуридаги тергов бўлими томонидан Жиноят кодексининг 266-моддаси 2-қисми билан жиноят иши қўзғатилган.

#ЙТҲ