БМТ бош котиби коронавирус юқтириб олди — ОАВ

БМТ бош котиби Антониу Гутерришнинг коронавирусга топширган тести мусбат чиқди. У шундан кейин ўзини иҳоталади. Бу ҳақда AFP ахборот агентлиги хабар берди.

Фото: AFP

Маълумотларга кўра, 72 ёшли Гутерриш БМТнинг бошқа бир ходимидан коронавирус юқтириб олган. Таъкидланишича, БМТ раҳбари яқинда коронавирусга қарши вакцинанинг учинчи дозаси билан эмланган.

Гутерриш яқин кунларда Нью-Йоркда БМТ матбуоти уюшмаси тадбирида ва БМТ Хавфсизлик кенгашининг террорчилик ва иқлим ўзгаришлари муаммоларига бағишланган йиғилишида иштирок этиши режалаштирилганди.

Бироқ у ушбу тадбирлардаги иштирокини бекор қилишига ва ўзини иҳоталашига тўғри келган.

AFP’нинг хабар беришича, Гутерришнинг матбуот котиби Стефан Дюжаррик БМТ бош котибининг соғлиғи юзасидан изоҳ беришдан бош тортган.