BMT bosh kotibi koronavirus yuqtirib oldi - OAV
BMT bosh kotibi Antoniu Guterrishning koronavirusga topshirgan testi musbat chiqdi. U shundan keyin o‘zini ihotaladi. Bu haqda AFP axborot agentligi xabar berdi.
Ma'lumotlarga ko‘ra, 72 yoshli Guterrish BMTning boshqa bir xodimidan koronavirus yuqtirib olgan. Ta'kidlanishicha, BMT rahbari yaqinda koronavirusga qarshi vaksinaning uchinchi dozasi bilan emlangan.
Guterrish yaqin kunlarda Nyu-Yorkda BMT matbuoti uyushmasi tadbirida va BMT Xavfsizlik kengashining terrorchilik va iqlim o‘zgarishlari muammolariga bag‘ishlangan yig‘ilishida ishtirok etishi rejalashtirilgandi.
Biroq u ushbu tadbirlardagi ishtirokini bekor qilishiga va o‘zini ihotalashiga to‘g‘ri kelgan.
AFP’ning xabar berishicha, Guterrishning matbuot kotibi Stefan Dyujarrik BMT bosh kotibining sog‘lig‘i yuzasidan izoh berishdan bosh tortgan.
Mavzuga oid
23:14 / 07.10.2024
Telegram uyushgan jinoiy guruhlarning «xufyona bozorlariga» aylandi – OAV
20:23 / 07.10.2024
2023 yilgi qurg‘oqchilik dunyo daryolarining 50 foizini sayozlashtirdi
10:00 / 07.10.2024
7 oktyabr voqealari: BMT bosh kotibi mintaqada tinchlikka chaqirdi
19:00 / 06.10.2024