Фото: ИИВ ЙҲХББ Ахборот хизмати
Самарқанд шаҳрида ЙПХ ходимлари томонидан қидирувдаги шахс ушланган. Бу ҳақда ИИВ ЙҲХББ хабар бермоқда.
Маълум қилинишича, 2021 йил 13 декабр куни Самарқанд шаҳрида ЙПХ ходимлари Ф.Худойбердиев ва С.Ширинов томонидан хизмат мобайнида қидирувдаги шахс ушланган.
Жумладан, текширувлар давомида Жиноят кодексининг 184-моддаси 3-қисми билан айбланиб, жорий йил 27 ноябрь кунидан буён қидирувда бўлган, 1983 йилда туғилган Д.Х. ушланган.
Фуқаронинг қидирувдалиги планшет мосламаси ёрдамида, махсус дастур орқали текшириш жараёнида маълум бўлган.
Қайд этилишича, ЙПХ ходимлари томонидан тегишли ҳужжатлар расмийлаштирилган ва фуқаро Д.Х. Самарқанд вилояти ИИБ ЖҚБ ходимларига топширилган.
