Сирдарё тумани ҳокимининг укаси акаси ишлаётган туманда ҳоким ўринбосари бўлди.
Сирдарё вилояти янгиликларини ёритувчи “Sirdaryo Xabarlari” каналида хабар берилишича, Сирдарё вилоятида тўрт нафар банк филиали бошқарувчиси “Ҳоким ёрдамчиси” лавозимига тайинланган.
Улар:
- “Агро банк” Боёвут тумани бошқарувчиси Юлдашев Жамшид Жумабоевич (Боёвут тумани Миришкор маҳалласи);
- “Агро банк” Гулистон тумани бошқарувчиси Бекбоев Зуҳриддин Жаҳонгирович (Гулистон тумани Сойибобод маҳалласи);
- “Халқ банки” Оқолтин тумани бошқарувчиси Бойтўраев Зафар Мавлонович (Оқолтин тумани Обод маҳалласи);
- “Микрокредитбанк” Сирдарё тумани бошқарувчиси Мирзақулов Олимжон Казакбаевич (Сирдарё тумани Оқ йўл маҳалласи).
Маълумот учун, Сирдарё тумани ҳокими Мирзақулов Ботиржон Казакбаевич. Энди унинг укаси Мирзақулов Олимжон Казакбаевич шу тумандаги Оқ йўл маҳалласида ҳоким ёрдамчиси вазифасида ишлайди.
Эслатиб ўтамиз, 2021 йил ноябр ойида ижтимоий тармоқларда ҳоким ёрдамчиси лавозимига ўтишга биринчи навбатда банк филиаллари раҳбарлари мажбурланаётгани ҳақида постлар қўйилган ва бу кенг муҳокамаларга сабаб бўлганди.
