Uzbekistan Airways самолёти Минск аэропортида учиш-қўниш йўлагидан чиқиб кетди
Uzbekistan Airways авиакомпанияси самолёти кучли қор ва бўрон шароитида Минск аэропортида учиш-қўниш йўлагидан чиқиб кетди. Дастлабки маълумотларга кўра, жароҳат олганлар йўқ.
![](https://storage.kun.uz/source/8/hh87Yl6rOQbSlCjMudZDvERVbE4IHD8W.jpg)
Фото: t.me/MinskNationalAirport
Uzbekistan Airways авиакомпанияси самолёти Минск миллий аэропортида учиш-қўниш йўлагидан чиқиб кетди. Бу ҳақда маҳаллий аэропорт матбуот хизмати хабар берди.
Тошкент—Минск йўналиши бўйича парвозни амалга оширган Airbus А-320 самолёти маҳаллий вақт билан соат 11:45да (Тошкент вақти билан соат 13:35) Минск миллий аэропортига қўнган, бироқ кучли қор ва бўрон туфайли учиш-қўниш йўлагидан чиқиб кетган.
Самолёт бортида 115 нафар йўловчи бўлган. Дастлабки маълумотларга кўра, жабрланганлар йўқ. Кўнгилсиз ҳодиса оқибатида самолётга шикаст етмаган. Ҳозирда воқеа жойида авария-қутқарув хизматлари иш олиб бормоқда.
Uzbekistan Airways АЖ матбуот котиби Камола Икромованинг Kun.uz’га қўшимча маълумот беришича, барча йўловчилар айни пайтда Минск аэропортида бўлиб турибди, уларга зарур ёрдам кўрсатилган, жой билан таъминланган. Ҳаво кемаси зиён кўрмаган.
Самолёт қачон ортга қайтиши номаълум. Бу ҳақда авария-қутқарув гуруҳи иши якунига кўра қўшимча маълумот берилади.
Мавзуга оид
![](https://storage.kun.uz/source/thumbnails/_medium/10/xLeJhqHlnScydWRKi8KbK9vBKmRuG-xQ_medium.jpg)
11:28 / 23.08.2024
ЕИ яна Минскни барча сиёсий маҳбусларни озод қилишга чақирди
![](https://storage.kun.uz/source/thumbnails/_medium/10/7GRPWuLymOYS3NVBJiD7Rk4FSAesF3va_medium.jpg)
21:49 / 16.08.2024
Uzbekistan Airways авиакомпаниясининг Малайзияга парвоз қилган самолётида ўғрилар ушланди
![](https://storage.kun.uz/source/thumbnails/_medium/10/bgVKOYtboGXK0GyS9iOb3l2KduSEXQHR_medium.jpg)
22:55 / 11.08.2024
«Пахтакор»нинг марҳум футболчилари хотирасига 45 йил олдинги «Ўйналмаган матч» ўтказилди
![](https://storage.kun.uz/source/thumbnails/_medium/10/WMnzuqQncwfkSSFuhJR2Pngrp48UjnJw_medium.jpg)
21:01 / 05.08.2024