Қўшимча функционаллар
-
Тунги кўриниш
Uzbekistan Airways авиакомпаниясининг Малайзияга парвоз қилган самолётида ўғрилар ушланди
Йўловчиларнинг буюмларини ўғирламоқчи бўлганлар ушланиб, Малайзия полициясига топширилган.
Фото: Kun.uz
Uzbekistan Airways авиакомпаниясининг 2024 йил 15 август куни Тошкент – Куала-Лумпур (Малайзия) йўналиши бўйича амалга оширган қатновида (HY553) йўловчиларнинг қимматбаҳо буюмларини ўғирлашга уриниш содир бўлди. Бу ҳақда авиакомпания хабар берди.
Қайд қилинишича, самолёт Куала-Лумпурга етиб боргач, ҳаво кемаси экипажи томонидан [йўловчиларнинг буюмлари йўқолгани юзасидан] полиция чақирилган. Сўнгра полиция ҳаво кемасини кўздан кечирган. Шунда [йўқолган] буюмлар топилган. [Ўғриликда] гумон қилинган чет эл фуқаролари ушланган ва вазиятга ойдинлик киритиш мақсадида Малайзия пойтахти полиция хизматига олиб кетилган.
Авиакомпания йўловчиларнинг қўл юки учун жавобгар эмаслигини, қимматбаҳо буюмлар ва пул маблағлари ҳар доим йўловчининг ўзида туриши кераклигини эслатмоқда. Бундан ташқари, жомадонларни қатъий равишда ўриндиқ тепасида жойлаштириш тавсия этилади.
Аввалроқ, россияликлар Uzbekistan Airways рейсларида ўғрилар пайдо бўлгани ҳақида шикоят қилгани ҳақида хабар берилган эди. Уларнинг таъкидлашича, тунги рейсларда хитойликлар бошқа йўловчиларнинг пуллари ва қимматбаҳо буюмларини ўғирламоқда.
Мавзуга оид
16:34 / 13.09.2024
Британия ИИВ раҳбари мамлакатдаги “ўғрилик эпидемияси” ҳақида нутқ сўзлаётганда унинг ҳамёнини ўғирлаб кетишди
18:20 / 24.08.2024
Тошкент вилоятида ичимлик сувидан ноқнуний фойдаланган корхона раҳбари 5 йилга қамалди
21:01 / 05.08.2024
Россияликлар Uzbekistan Airways рейсларида ўғрилар пайдо бўлгани ҳақида шикоят қилди
18:25 / 05.08.2024