Эрдўған БМТ тизимини ислоҳ қилиш вақти келганини айтди

Туркия президенти Ражаб Тоййиб Эрдўған БМТ тизимини ислоҳ қилиш вақти келганини айтди.

"БМТга аъзо 193 мамлакат тақдирини беш мамлакат белгилайдиган тизим адолатдан эмас. Тизим қайта ислоҳ қилиниши керак. Дунёдаги мамлакатлар бештадан кўплигини гапирганимизда бутун инсониятнинг ҳуқуқ ва умумий манфаатларини ҳимоя қилишга уринамиз, буни ўз мамлакатимиз манфаати учун гапирмаймиз", - деди у.

Туркия президенти БМТни биринчи марта танқид қилиши эмас. Эрдўған 2021 йил октябрда Анголага ташрифи вақтида ҳам  инсоният тақдири Иккинчи жаҳон урушида ғалаба қозонган "бир сиқим мамлакатлар" ихтиёрига ташлаб қўйилмаслиги кераклигини айтганди.