Тошкентнинг Бешёғоч ва Олмазор кўчаси Наврўз куни қисман ёпилади

Наврўз байрами ўтказилиши муносабати билан Тошкентнинг Бешёғоч ва Олмазор кўчаси қисман ёпилади.

Пойтахт ИИББ хабарига кўра, 21 март куни соат 06:00 дан 15:00 гача бўлган вақт оралиғида:

• Бешёғоч кўчаси Фурқат кўчасидан Афросиёб кўчасигача бўлган оралиқда;
• Олмазор кўчаси Ислом Каримов кўчасидан Бешёғоч кўчасигача бўлган оралиқда транспорт воситаларининг ҳаракати вақтинча тўхтатилади.

Ушбу кўрсатилган вақт оралиғида фуқаролари айланма йўллардан фойдаланишлари мумкин.