2022 йил 7 ва 8 май санасидан бошлаб, ҳафтанинг шанба ва якшанба кунлари Тошкент - Шаҳрисабз - Тошкент йўналишида 758/757-сонли юқори тезликда ҳаракатланувчи “Афросиёб” поездлари қатнови йўлга қўйилади.
Фото: Kun.uz
Транспорт вазирлиги ахборот хизмати хабарига кўра, йўловчиларга транспорт хизматлар кўрсатиш кўламини янада ошириш мақсад қилинган.
Ҳаракат жадвалига мувофиқ, Тошкент - Шаҳрисабз йўналишида қатнайдиган 758-сонли “Афросиёб” поезди шанба ва якшанба кунлари соат 08:00 да Тошкент марказий вокзалидан жўнайди.
Бундан ташқари, Шаҳрисабз - Тошкент йўналишида қатнайдиган 757-сонли “Афросиёб” поезди эса Шаҳрисабз темирйўл вокзалидан соат 15:40 да ҳаракатини бошлайди.
2022 йил 7 ва 8 май санасидан бошлаб, бугунги кунда Тошкент - Қарши - Тошкент йўналишида ҳаракатланаётган 760/759-сонли “Афросиёб” поездларининг шанба ва якшанба кунлари қатнови тўхтатилади.
Бундан олдин “Афросиёб” тезюрар поездининг Шаҳрисабзгача ҳаракати қайта тикланиши хабар берилганди.
