БМТ бош котиби Молдова президенти билан учрашди

Антониу Гутерришнинг маълум қилишича, БМТ украиналик қочқинлар сони ўсиши билан боғлиқ гуманитар инқироз сабабли Молдовани қўллаб-қувватлашни кенгайтиради.

Фото: Anadolu Agency

БМТ бош котиби Антониу Гутерриш Кишинёвга ташрифи доирасида Молдова президенти Майя Санду билан учрашди.

«Молдова халқининг саъй-ҳаракатларини, Украинадаги урушдан қочганларга нисбатан сахийлиги ва бирдамлигини олқишлайман», - деб ёзди Гутерриш Twitter саҳифасида.

Унинг маълум қилишича, БМТ украиналик қочқинлар сони ўсиши билан боғлиқ гуманитар инқироз сабабли Молдовани қўллаб-қувватлашни кенгайтиради.

БМТнинг охирги маълумотларига кўра, Россия билан уруш бошланганидан буён Украинани 5 млн 890 мингдан ортиқ инсон тарк этган. Молдовага 457 мингга яқин Украина фуқароси ўтган.

Тайёрлаган: Дилшод Аскаров

#Антониу Гутерриш #Молдова