Кириш имтиҳонларида абитуриентларга тест ишлаш учун қанча вақт берилади?

Давлат тест маркази директори ўринбосари Сардор Ражабов ташкилот расмий телеграм каналида ташкил этилган овозли чатда кириш имтиҳонларига оид саволларга жавоб берди.

“Бу йил кириш имтиҳонларида абитуриентларга тестларни ишлаш учун 3 соат вақт берилади. Вазирлар Маҳкамасининг тест топшириқларини ўтказишга оид 261-сонли низомида 30 та савол учун бир соат вақт берилиши ёзилган. Демак, 90 та саволга 3 соат вақт берилади”, дея маълумот берди Сардор Ражабов.

Эслатиб ўтамиз, бу йил абитуриентлар 5 та фандан имтиҳон топширади. Уларга 2 та мутахассислик блокидан 30 тадан – 60 та, мажбурий фанлар блокидан эса 10 тадан жами 30 та савол тушади.

Максимал балл – 189 балл.