У билан бирга Олмаота области бўйича «Нур Жоли» чегара назорати бўлими собиқ бошлиғи майор Н. Арисбоев ва «бошқа шахслар» ҳам ҳибсга олинган.
Фото: liter.kz
Қозоғистонда мамлакат миллий хавфсизлик қўмитаси раисининг собиқ ўринбосари, чегара хизмати директори Дархон Дилмонов ҳибсга олинди. Бу ҳақда «Sputnik Қозоғистон» хабар берди.
Қайд этилишича, у билан бирга Олмаота области бўйича «Нур Жоли» чегара назорати бўлими собиқ бошлиғи майор Н. Арисбоев ва «бошқа шахслар» ҳам ҳибсга олинган.
Улар Қозоғистон-Хитой чегарасидаги постларда мансаб ваколатини суиистеъмол қилишда гумонланмоқда.
Январ ойида Қозоғистонда юз берган тартибсизликлардан сўнг мамлакат миллий хавфсизлик қўмитаси собиқ бошлиғи Карим Масимов ва унинг уч нафар ўринбосари ҳибсга олинганди.
