«Тошкент метрополитени» бекатлардан бирида эскалатор нега тўхтатиб қўйилганини тушунтирди.
Фото: Тошкент метрополитени
Жорий йилнинг 31 июль санасида «Юнус Ражабий» бекатидаги эскалатордан фойдаланаётган йўловчилардан бири эҳтиётсиз ҳаракати оқибатида йиқилган, деб хабар берди «Тошкент метрополитени».
Метро маъмурияти томонидан эълон қилинган хабарда айтилишича, қолган йўловчилар уни ушлаб қолишган.
Қайд этилишича, бекатдаги эскалатор навбатчиси йўриқномага асосан эскалаторни ўчирган.
«Шу ўринда барча йўловчилардан эскалатордан фойдаланиш вақтида белгиланган тартиб-қоидаларга амал қилишларини сўраймиз», дейилади метро маъмурияти изоҳида.
