Қўшимча функционаллар
-
Тунги кўриниш
Зеленский Украинанинг Донбасс бўйича уч томонлама гуруҳдаги иштирокини тўхтатди
Украина делегациясининг мамлакат шарқидаги вазиятни ҳал қилиш бўйича Уч томонлама алоқа гуруҳи (УАГ)да иштирок этиши ҳақидаги фармон ўз кучини йўқотган деб топилди.
Фото: Reuters
Украина президенти Володимир Зеленский Украина делегациясининг мамлакат шарқидаги вазиятни тартибга солиш бўйича Уч томонлама алоқа гуруҳи (УАГ)да иштирок этиши ҳақидаги фармонни ўз кучини йўқотган деб топди. Тегишли фармойиш 1 сентябр, пайшанба куни Украина давлати раҳбарининг интернетдаги расмий ваколатхонаси сайтида эълон қилинди.
Шу тариқа, 2020 йил 5 майдаги 167-сон фармон ва унга киритилган бир қатор кейинги ўзгартиришлар (жами - еттита фармон) бекор қилинди.
УАГ 2014 йилнинг ёзида, шу жумладан «Норманд» форматида (Германия, Франция, Россия, Украина) қабул қилинган қарорларни амалга ошириш учун тузилган. Донбасс бўйича гуруҳдаги Россия вакиллари уруш бошланиши арафасида 18 февралга белгиланган навбатдан ташқари йиғилишда қатнашишдан бош тортди.
Украинанинг биринчи президенти Леонид Кравчук Киев номидан форматни 2020 йил июлидан 2022 йил февралигача бошқарган. Гуруҳ таркибига Европада хавфсизлик ва ҳамкорлик ташкилоти, Россия ва Украина вакиллари кирган. УАГ доирасида, хусусан, 2020 йил июль ойида тўлиқ ва кенг қамровли ўт очишни тўхтатиш бўйича келишувларга эришилди.
Кравчук май ойида узоқ давом этган касалликдан сўнг 88 ёшида вафот этди. У 1991-1994 йилларда Украинани бошқарган.
Россия-Украина уруши
Мавзуга оид
17:12
Шимолий Корея Россияни қўллаш учун Украинага ҳарбийларини юбориши мумкин
14:38
«Украинасиз бўлса — йўқ». Ҳаррис урушни якунлаш масаласида Путин билан бевосита музокара олиб бормаслигини айтди
12:20
РФда 72 ёшли америкалик ёлланма фаолият учун салкам 7 йилга қамалди
11:00