Тошкент марказидаги айрим кўчалар вақтинча ёпилади

8 сентябрь куни соат 19:30 да Алишер Навоий номли давлат академик катта театрида 93-мавсум очилиши муносабати билан очиқ осмон остида “Куз зари оғушида Катта Мусиқа” концерти бўлиб ўтади.

Тошкент шаҳар ҳокимлиги хабарига кўра, шу муносабат билан 8 сентябрь куни соат 10:00 дан 00:00 гача шаҳардаги бир неча кўчалар вақтинча ёпилади.

Улар:

Буюк Турон кўчаси Ислом Каримов кўчаси билан кесишмасидан Матбуотчилар кўчасигача бўлган оралиқда;
Бухоро кўчаси Буюк Турон кўчаси билан кесишмасидан Зарафшон кўчасигача бўлган оралиқда.

Ҳайдовчилардан айланма йўллардан фойдаланиш сўралган.