Айни кунларда республикага ишлаш ташаббуси билан келаётган хорижликлар сони кўпайганини инобатга олиб, улар учун қулайликлар яратилмоқда, деб хабар берди Ягона портал.
Фото: Shutterstock
Қайд этилишича, энди чет эллик мутахассислар ҳам Ўзбекистон ҳудудида ишлаш ҳуқуқини берадиган тасдиқномани my.gov.uz ёки «Лицензия» АТ орқали онлайн олиш имкониятига эга.
Бунда аризачи ўзи тўғрисидаги маълумотни, чет эл фуқаросининг сўровномасини тўлдиради. Сўнг, илова қилинадиган ҳужжатларни тақдим қилиб, тўловни амалга оширади.
Хизмат 15 кун ичида кўрсатилади. Ариза my.gov.uz орқали топширилганда 270 000 сўм тўлов (10 фоиз чегирма билан) қилинади.
