Шавкат Мирзиёев Қозоғистонга жўнаб кетди

Ўзбекистон президенти Шавкат Мирзиёев Қозоғистон президенти Қосим-Жўмарт Тўқаевнинг таклифига биноан 12 октябрь куни Остона шаҳрига жўнаб кетди.

Фото: Президент матбуот хизмати

Давлат раҳбари матбуот хизмати хабарига кўра, Шавкат Мирзиёев у ерда Осиёда ҳамкорлик ва ишонч чоралари бўйича кенгаш ҳамда Мустақил давлатлар ҳамдўстлиги Давлат раҳбарлари кенгашининг навбатдаги мажлисларида иштирок этади.

Ушбу саммитлар доирасида ҳамкор мамлакатлар делегациялари раҳбарлари билан икки томонлама учрашувлар ўтказиш ҳам режалаштирилган.