Жорий йилнинг 7 ноябрь куни Мисрнинг Red Sea Airlines авиакомпанияси Тошкентга биринчи рейсини амалга оширди.
Фото: Uzbekistan Airports
Uzbekistan Airports хабарига кўра, маҳаллий вақт билан соат 11:49 да Шарм-аш-Шайх — Тошкент — Шарм-аш-Шайх йўналиши бўйича парвоз қилган Boeing 737 самолёти илк бор Тошкент халқаро аэропортига қўнди.
Қайд этилишича, бортида 171 йўловчи бўлган самолёт сув аркаси билан тантанали равишда кутиб олинган.
Шарм-аш-Шайхдан Тошкентга мунтазам равишда чартер рейслари ҳар ҳафта — душанба кунлари амалга оширилиши режалаштирилган.
Red Sea Airlines — Шарм-аш-Шайх халқаро аэропортида жойлашган Мисрнинг чартер авиакомпанияси ҳисобланади.
